एजेन्सी
नयाँ दिल्ली, चैत २० – कपिलले सायद सपनामा
पनि सोचेका थिएनन् होलान् कि उनको आफ्नो कार्यक्रम ‘द कपिल शर्मा शो’ का
सहकर्मी सुनिल ग्रोवरसँग भएको विवाद उनका लागि भारी पर्न सक्छ । भारतीय
मिडियामा आएको ताजा खबरलाई विश्वास गर्ने हो भने अप्रिलमा कार्यक्रमको
नविकरण गरिनुपर्दथ्यो र यो १०६ करोड भारुको सम्झौता थियो । तर यो सम्झौतामा
खतरा छाएको छ ।
टाइम्स
अफ इन्डियाका अनुसार ‘द कपिल शर्मा शो’ लाई च्यानलले कार्यक्रमलाई पुनः
सहि ठाउँमा ल्याउनका लागि एक महिनाको समय दिएको छ र यसलाई कपिल शर्माका
लागि अन्तिम मौका मानिएको छ ।
सूत्रलाई मान्ने हो भने च्यानलले कपिल
शर्मालाई सबै सहकर्मीलाई ल्याएर कार्यक्रमलाई पुनः ट्र्याकमा फिर्ता ल्याउन
एक महिनाको समय दिएको छ । यदि कपिलले यसो गर्न सफल भए च्यानलले
कार्यक्रमलाई निरन्तरता दिनेबारे सोच्ने तर यदि यसो हुन सकेन भने
कार्यक्रमलाई बन्द गरिदिने चेतावनी दिएको स्रोतले बताएको छ । यद्यपी, यो
कार्यक्रमको टिआरपी हेरेर कपिलले सुनिल ग्रोवर, चन्दन प्रभाकर, अली असगर र
सुगन्धा मिश्राबिना यो कार्यक्रममार्फत मानिसहरुलाई हँसाउन सफल होलान्
जस्तो देखिँदैन । यी सबै कलाकार कार्यक्रमसँग फिर्ता हुने मूडमा पनि
देखिएका छैनन् ।
Loading...